पालखी मार्गावर पुन्हा भीषण अपघात; दोघांचा जागीच मृत्यू

 

बारामती:- संत तुकाराम महाराज राष्ट्रीय पालखी महामार्गावर उंडवडी जराडवाडी नजीक पुन्हा एकदा आठवड्याच्या अंतरातच मोठा अपघात झाला असून दोन दुचाकींची समोरासमोर धडक होऊन दोन जण जागीच ठार तर एक महिला गंभीर जखमी झाली.

हा अपघात आज रविवार दिनांक 20 जुलै रोजी संध्याकाळी पाच वाजण्याच्या सुमारास झाला. बारामतीकडून पाटस कडे जाणाऱ्या दुचाकीचा समोरासमोर अपघात होऊन ही घटना घडली. काही दिवसांपूर्वीच विशाल कोकरे या कुरकुंभ एमआयडीसी मध्ये नोकरीस असलेल्या पंधरे परिसरातील युवकाचा अशाच पद्धतीने विरुद्ध बाजूने चारचाकी आल्याने मृत्यू झाला होता.

आजही झालेल्या अपघातात एक दुचाकी विरुद्ध बाजूने आल्याने पाटसकडे निघालेल्या दुचाकीची जोरदार धडक या दुचाकीशी झाली. त्यामध्ये दोन्ही दुचाकीचे मोठे नुकसान झाले. या घटनेत स्प्लेंडर दुचाकी वरील शरद दत्तात्रय मोरे (वय 36 रा. सोनवडी ता. बारामती) व ज्ञानेश्वर बबन ओलेकर (रा. दहिगाव तालुका माळशिरस) या दोघाजणांचा जागीच मृत्यू झाला तर आक्कामाई ज्ञानेश्वर ओलेकर ही महिला गंभीर जखमी झाली.