रविवार २७ रोजी बारामतीत उपमुख्यमंत्री अजित पवारांचे वाढदिवसानिमित्त मोफत कॅन्सर तपासणी मोफत उपचार
बारामती :- महाराष्ट्राचे उपमुख्यमंत्री तथा पुणे जिल्हा पालकमंत्री ना.अजित पवार यांचे वाढदिवसा निमित्त पणदरे ग्राम विकास मंच व बारामती तालुका सहकारी दूध उत्पादक संघयांच्या संयुक्त विद्यमाने आयोजित, बारामती तालुका व परिसरातील सर्व नागरिकसाठी कॅन्सर मुक्त अभियान राबविण्यात येत आहे.
या अभियानांतर्गत बारामती तालुक्यातील ग्रामीण व शहरी भागातील नागरिकांना मोफत कॅन्सर तपासणी व मोफत उपचार उपलब्ध करण्यात येत आहेत त्या अनुषंगाने अहिल्या नगर(अहमद नगर) येथील,योगेश रूरल कॅन्सर अँड रिलिफ सोसायटीचे सुप्रसिद्ध डॉ.प्रकाश गरुड हे टाटा कॅन्सर हॉस्पिटल, मुंबई प्रशिक्षित तज्ञ कॅन्सर सर्जन व या क्षेत्रातील त्यांचा ४०वर्षांचा प्रदिर्घ अनुभव आहे.तसेच त्यांचे सोबत एम्स ( AIIMS ) चे प्रसिध्द डॉक्टर योगेश गरुड कॅन्सर सर्जन हे देखील असणार आहेत.
डाॅ.योगेश गरूड यांच्या सारखे तज्ञ डॉक्टर सर्वांना मार्गदर्शन करण्यासाठी येणार आहेत. त्यांच्या मार्गदर्शनाचा व तपासणीचा फायदा होणार आहे तरी सर्व बारामती व परिसरातील नागरिकांनी या सुवर्ण संधीचा लाभ घ्यावा. तसेच आपले आरोग्य चांगले राहण्यासाठी योग्य संधीचा अवश्य लाभ घ्यावा.
स्थळ : बारामती दुध संघ हॉल कारभारी चौक,बारामती, दिनाक २७/०७/२०२५.
वेळ सकाळी ११ वाजता
○● कॅन्सरची लक्षणे ●○
१) शरीरात कोठेही न दुखणारी गाठ असे रुग्ण.
२) स्त्रियांच्या स्तनाच्या गाठी होणे
३) लघवी व शौचावाटे रक्त पडणे.
४) स्त्रियांच्या अंगावरून पांढरे जाणे.
५) थुंकीवाटे रक्त येणे, तोंडातील व्रण बरा न होणे.
६) अन्न गिळतांना छातीत अडकणे किंवा उलट्या होणे.
७) आवाजात बदल होणे,किंवा आवाज बसणे.
८) संडास-शौचाच्या सवयीत आकस्मिक बदल होणे.
९) स्त्रियांमध्ये अनियमित व वरचेवर योनी रक्तस्त्राव, विशेषत: पाळी थांबल्यावर.
