"गोपीनाथ मुंडेंनी मराठा आरक्षणाला विरोध केला नाही, पण..."; पंकजा मुंडे दसरा मेळाव्यात स्पष्टच बोलल्या
भगवान गडावर पार पडलेल्या दसरा मेळाव्यात पंकजा मुंडे यांनी लोकांना संबोधित केले. यावेळी त्यांनी वेगवेगळ्या मुद्द्यांवरही भाष्य केले.
पंकजा मुंडेंचा सुरेश धसांना टोला?
"माझ्या व्यासपीठावर उपस्थित असलेल्या, निवडून आलेल्या माणसाच्या प्रचारासाठी गेले. त्याची कधी जात पाहिली नाही. जात पाहिली ती फक्त आणि फक्त माणसाची जात पाहिली. मी जात पाहणं शिकलेच नाहीये. मी भेदभाव करणे शिकलेच नाहीये", असे म्हणत त्यांनी अप्रत्यक्षपणे आमदार सुरेश धसांनाही टोला लगावला.
पुरामुळे जातीपातीचे जोखड गळून पडले
जातीवादाचे राक्षस उभे राहत आहेत -पंकजा मुंडे
"शेतकऱ्यांच्या दुःखात धावून जाताना मी त्यांना वचन देते की, तुम्ही काहीही काळजी करू नका. नऊ दिवस नवरात्र होतं की नाही? नऊ दिवस आपण दुर्गेची पूजा केली. दुर्गा मातेने राक्षस संपवून टाकले. आजच्या कलयुगात राक्षस जन्माला आला आहे. हा राक्षस तुमच्या बुद्धीत आला आहे. चुकीच्या गोष्टीतून, चुकीच्या तोंडातून हे राक्षस उभे राहत असून, तो जातीवादाचे राक्षस आहेत", अशी खंत पंकजा मुंडेंनी व्यक्त केली.
