अजित पवारांनी शब्द पूर्ण केलाच; सूरज चव्हाणचा पत्र्याच्या खोलीतून अलिशान बंगल्यात प्रवेश

 

मुंबई: सूरज चव्हाण... सोशल मिडिया, टिकटॉक स्टार आणि बिग बॉस मराठीच्या पाचव्या पर्वाचा विजेता, अभिनेता, आता त्याच्या नवीन घरात राहायला आहे. गरिबीत बालपण घालवलेला सूरज आता अलिशान बंगल्यात राहायला आला आहे. नुकताच त्याचा या बंगल्यात गृहप्रवेश झाला.

सूरज चव्हाण लवकरच लग्नबंधनात अडकणार आहे. त्या पूर्वी तो नवीन घरात राहायला आला आहे. गृहपुजेचा एक व्हिडिओ सूरजनं सोशल मीडियावर शेअर केलाय. यात त्याच्या अलिशान बंगल्याची झलक पाहायला मिळत आहे.

अलिशान, प्रशस्त आणि सुंदर आहे सूरज चव्हाणचं घर

तर साध्या पत्र्याच्या घरातून सूरज आता दोन बेडरुमच्या या बंगल्यात राहायला येणार आहेय. घर अतिशय प्रशस्त असं हे. मॉड्युलर किचन, प्रशस्त असा हॉल आहे...मोकळी जागा आहे, बेडरुम्स देखील मोठे आहेत. घराचं इंटिरिअर देखील चर्चेत आलं आहे.

अजित परवांनी केलं सूरजचं स्वप्न पूर्ण

सूरज चव्हाण हा बारामतीत्या मोढवे गावचा आहे. तो लहान असतानाच त्याच्या आई-वडिलांचं निधन झालं. त्यामुळं गरिबीत दिवस काढले. पण टिकटॉकमुळं तो सोशल मीडियावर स्टार झाला. त्यांच्याकडे पैसे येत होते, पण अनेकांनी त्यांची फसवणूक केली होती. यानंतर त्याच्या आयुष्यात गेम चेंजर ठरला तो बिग बॉस.

त्यानं बिग बॉसची ट्रॉफी जिंकली. बिग बॉस जिंकल्यानंतरही त्याच्याकडे राहायला घर नव्हतं. यानंतर उपमुख्यमंत्री अजित पवार यांनी सूरजला घर बांधून देण्याचा शब्द दिला होता.दरम्यान, काही महिन्यांपूर्वीच अजित पवार यांनी स्वत: या घराच्या बांधकामाची पाहणी केली होती. त्यांच्या एक्स अकाउंट वर पोस्ट शेअर करण्यात आली होती.

सूरजने हा व्हिडिओ शेअर केल्यानंतर नेटकरी आणि चाहत्यांनी त्याच्यावर लाइक्स आणि कमेंट्सचा वर्षाव केला आहे.

सूरज चव्हाणच्या कामाबद्दल बोलायचं झाल्यास तो झापूक झोपुक या सिनेमातून प्रेक्षकांच्या भेटीला आला होता. बिग बॉस मराठीच्या ग्रँड फिनालेला निर्माते दिग्दर्शक केदार शिंदे यांनी सूरज चव्हाण याला घेऊन हा सिनेमा बनवणार असल्याची घोषणा केली होती.