सिंगापूर-हाँगकाँगच्या धर्तीवर होणार धारावीचा पुनर्विकास : मुख्यमंत्री देवेंद्र फडणवीस
साेमवारी सह्याद्री अतिथीगृहात मुख्यमंत्र्यांच्या अध्यक्षतेखाली धारावी पुनर्विकास प्रकल्पाची आढावा बैठक झाली. महापौर रितू तावडे, राज्यमंत्री डॉ. पंकज भोयर, अदानी समूहाचे व्यवस्थापकीय संचालक प्रणव अदानी, व्यवस्थापकीय संचालक अनिल सरदाना, अजित बारोडिया उपस्थित होते.
धारावी पुनर्विकासाच्या पहिल्या टप्प्यात २०२८ पर्यंत किमान दहा हजार घरे नागरिकांना द्यावी. सर्व परवाने एकाच ठिकाणी व जलदगतीने मिळण्यासाठी विशेष कक्ष निर्माण करावा. येथील प्रमुख उद्योगांचे अस्तित्व कायम राखण्यासाठी विशेष एमएसएमई योजना तयार केली जात आहे, असे मुख्यमंत्री म्हणाले.
खाद्यपदार्थ उद्योगांसाठी ‘क्लाऊड किचन’ व महिलांसाठी स्वच्छतागृहाची सुविधा दिली जाणार आहे. पुनर्वसन इमारतींचे काम व इतर सुविधांची कामे टप्प्याटप्प्यांत सुरू आहेत, अशी माहिती व्यवस्थापकीय संचालक अनिल सरदाना यांनी सादरीकरणात दिली.
