बारामतीतील विकासकामे दर्जेदार व वेळेत पूर्ण करा; उपमुख्यमंत्री सुनेत्रा पवार यांचे अधिकाऱ्यांना निर्देश

 

बारामती: बारामती तालुक्यात विविध विकास कामे सुरु असून ही सार्वजनिक विकासकामे गुणवत्तापूर्ण, दर्जेदार, टिकाऊ आणि वेळेत पूर्ण होतील याकडे लक्ष द्यावे, अशा सूचना उपमुख्यमंत्री तथा जिल्ह्याचा पालकमंत्री सुनेत्रा अजित पवार यांनी पाहणीप्रसंगी उपस्थित अधिकाऱ्यांना दिल्या.

यावेळी नगराध्यक्ष सचिन सातव, उप विभागीय अधिकारी उत्तम दिघे, एमआयडीसीचे प्रादेशिक अधिकारी हनुमंत पाटील, उप विभागीय पोलीस अधिकारी चैतन्य कदम, सार्वजनिक बांधकाम विभागाचे कार्यकारी अभियंता अमोल पवार, जलसंपदा विभागाचे कार्यकारी अभियंता दिगंबर डुबल, उप प्रादेशिक परिवहन अधिकारी सुरेंद्र निकम, तहसीलदार स्वप्नील रावडे, गट विकास अधिकारी किशोर माने, मुख्याधिकारी पंकज भुसे आदी उपस्थित होते.

रुई-जळोची ओढा संरक्षण भिंतीच्या कामकाजाची माहिती घेवून आपत्तीच्या व्यवस्थापनाच्यादृष्टीने नवीन चार पुलाचे बांधकाम सुरु करावे. उर्वरित संरक्षण भिंतीचे बांधकाम करण्याबाबतचा प्रस्ताव सादर करावा, असेही निर्देश श्रीमती पवार यांनी दिले.