सोमेश्वर साखर कारखान्याचे रोलरपूजन उत्साहात
बारामती:- सोमेश्वरनगरच्या श्री सोमेश्वर सहकारी साखर कारखान्यातील अंतर्गत कामे प्रगतिपथावर असून,गतवर्षी प्रमाणेच हंगाम उत्तम व यशस्वी रित्या पार पडेल, असा विश्वास कारखान्याचे अध्यक्ष पुरुषोत्तम जगताप यांनी व्यक्त केला. कारखान्याचा रोलरपूजन सभारंभ सोमवारी (दि.३० जून) कारखान्याचे उपाध्यक्ष मिलिंद कांबळे व संचालक अभिजित काकडे यांच्या हस्ते व जगताप यांच्या प्रमुख उपस्थितीत पार पडला. त्यावेळी जगताप बोलत होते.
याप्रसंगी सखर कारखान्याचे संचालक संग्राम सोरटे,सुनील भगत,शैलेश रासकर, बाळासाहेब कामथे,ऋषिकेश गायकवाड, किसन तांबे,अजय कदम,हरिभाऊ भोंडवे,तुषार माहुरकर,जितेंद्र निगडे,कार्य. संचालक राजेंद्र यादव,वर्क्स मॅनेजर एन.एच.नायकोडे आदी अधिकारी व कर्मचारी उपस्थित होते.
जगताप पुढे म्हणाले, येत्या हंगामासाठी तोडणी वाहतूक यंत्रणेचे करार पूर्ण झाले आहेत. आजपर्यंत१हजार१२० बैलगाडी, ६०० डंपिंग, २० ट्रक, ३७० ट्रॅक्टर, ३० हार्वेस्टरचे करार पूर्ण झाले असून, पहिल्या हप्त्याचेही वाटप केलेले आहे.
आगामी हंगामासाठी शेतकी विभागाकडे ३५ हजार ५१२ एकर ऊस क्षेत्राची नोंद झाली असून, यात आडसाली १४ हजार ४९२ एकर, पूर्वहंगामी ७ हजार ९१६ एकर, सुरु ४ हजार १३२ एकर, खोडवा ८ हजार ९७२ एकर नोंद कारखान्याकडे झाली. आहे. या नोंद झालेल्या क्षेत्रातून अंदाजे १२ ते १२.५० लाख मेट्रिक टन ऊस आपणास गाळपास उपलब्ध होईल.कारखा न्याच्या शेतकी विभागाने हार्वेस्टर ने ऊसतोड होण्यासाठी सभासद शेतकऱ्यांनी पट्टापद्धत अवलंब करावा.नोंद झालेल्या क्षेत्रातून बारा-साडेबारा लाख टन उसाचे गाळप वेळेत करण्यासाठी संचा लकमंडळ प्रयत्नशील आहे.सभा सद,अधिकारी,कर्मचारी,ऊसतोडणी वाहतूक यंत्रणेच्या सहकार्याने येणारा हंगाम यशस्वीपणे पार पाडू.
