राष्ट्रवादी कॉंग्रेसच्या उमेदवारांसाठी बारामती शहरातील व्यापाऱ्यांकडून पदयात्रा
बारामती नगरपरिषद निवडणुकीच्या निमित्तानं राष्ट्रवादी कॉंग्रेसच्या उमेदवारांनी मतदारांच्या भेटींवर भर दिला आहे. आज बारामतीतील व्यापारी वर्गाने बारामती शहरातील बाजारपेठेतून पदयात्रा काढत राष्ट्रवादीच्या उमेदवारांना निवडून देण्याचं आवाहन केलं. यावेळी नगराध्यक्षपदाचे उमेदवार सचिन सातव यांच्यासह विविध प्रभागातील उमेदवारांनी या पदयात्रेत सहभाग घेतला.
बारामतीचा कायापालट करण्याची धमक अजितदादांमध्ये आहे, हे त्यांनी आपल्या कामातून दाखवून दिलं आहे. त्यामुळं नगरपरिषदेच्या निवडणुकीतही अजितदादांच्या नेतृत्वातील सर्व उमेदवारांना निवडून देण्याचं काम आम्ही सर्व करु अशी ग्वाही व्यापारी वर्गाकडून देण्यात आली.
अजितदादांनी नेहमीच समाजातील घटकांना सोबत घेवून वाटचाल केली आहे. त्यामुळंच या निवडणुकीत राष्ट्रवादीच्या सर्व उमेदवारांना साथ द्यावी असं आवाहन सचिन सातव यांनी यावेळी केलं. यावेळी व्यापारी वर्गाकडून राष्ट्रवादीच्या उमेदवारांचं ठिकठिकाणी स्वागत करण्यात आलं.
