भावाचं अचानक निधन, वहिनी अन् दोन मुलं उघड्यावर; लहान भावाने भावजयीशी विवाह करून दिला लेकरांना आधार
नांदेड: पतीच्या निधनानंतर पत्नीचा आधार हिरावला जातो. मुलांच्या डोक्यावरील वडिलांचे छत्र हरवले जाते, नाते संबंधात देखील दुरावा निर्माण होतो. मात्र, नातेसंबंध जपण्यासाठी तसेच मृत भावाच्या पत्नीला आणि त्यांच्या मुलांना आधार देण्यासाठी धाकट्या भावाने माणुसकी आणि कौटुंबिक जबाबदारीचा अनोखा आदर्श समाजापुढे ठेवत विधवा भावजयीसोबत विवाह केला.
प्रफुल्ल पाटील हा व्यवसायाने ऑटोरिक्षा चालक आहे. ऑटो चालवून उदरनिर्वाह करतो. अत्यंत सामान्य आर्थिक परिस्थिती असतानाही, स्वतःच्या संसाराचा विचार करण्यापेक्षा त्याने भावाच्या मुलांच्या भविष्याला प्राधान्य दिले. "माझ्या भावाच्या पश्चात ही मुले अनाथ होऊ नयेत आणि वहिनीला समाजात सन्मानाने जगता यावे, हाच या विवाहामागचा माझा मुख्य उद्देश आहे. ही माझी केवळ जबाबदारी नसून भावाप्रती असलेले माझे कर्तव्य आहे," अशा भावना प्रफुल्लने यावेळी व्यक्त केल्या. दरम्यान प्रफुल्लच्या या निर्णयाचे ग्रामस्थांकडून कौतुक केलं जात आहे.
