गणेशोत्सव मिरवणुकीमध्ये लेझर लाईट्सचा वापर केल्यास कारवाई; पुणे जिल्हाधिकाऱ्यांचे आदेश
लेझर लाईटसमुळे आरोग्यावर होणारे गंभीर परिणाम
१) डोळ्यांवर होणारे गंभीर परिणाम
रेटिनाला इजा : लेझर किरण थेट डोळ्यात गेल्यास रेटिनाच्या पेशी जळू शकतात, ज्यामुळे डोळ्यांची पाहण्याची क्षमता कायमची कमी होऊ शकते.
दृष्टी जाण्याचा धोका : तीव्र क्षमतेचा लेझर काही सेकंद जरी डोळ्यांवर पडला, तरी कायमचे किंवा तात्पुरते अंधत्व येऊ शकते.
फ्लॅश ब्लाइंडनेस : अचानक तीव्र प्रकाश डोळ्यांवर पडल्याने काही काळासाठी काहीही दिसत नाही, ज्यामुळे अपघात होण्याचा धोका वाढतो.
डोळ्यांची जळजळ व पाणी येणे: तीव्र प्रकाशाच्या संपर्कामुळे डोळे लाल होणे, दुखणे आणि सतत पाणी येणे यांसारखे त्रास होतात.
२. त्वचेवर होणारे दुष्परिणाम
त्वचा जळणे (Skin Burns): अति तीव्र, औद्योगिक किंवा स्टेज लेझर थेट त्वचेवर पडल्यास त्वचा भाजणे किंवा लाल होणे असा त्रास होऊ शकतो.
खाज व अॅलर्जी: संवेदनशील त्वचा असलेल्या लोकांना लेझरच्या उष्णतेमुळे रॅश किंवा खाज सुटू शकते.
३ . कॅमेऱ्याच्या सेन्सरचे नुकसान (इतर प्रभाव)
आरोग्याव्यतिरिक्त, लेझर लाईट मोबाईल किंवा प्रोफेशनल कॅमेऱ्याच्या लेन्सवर पडल्यास त्याचा कॅमेरा सेन्सर कायमचा खराब होतो.
.jpeg)
