फटाके विक्रीसाठी प्रांताधिकाऱ्यांची परवानगी गरजेची; ३० ऑक्टोबर पर्यंत अर्ज स्वीकारण्यात येणार

 

बारामती :- दिवाळीच्या उत्स वात शोभेची दारू व फटाकेविक्री साठी प्रांताधिकाऱ्यांची परवानगी अत्यावश्यक आहे. त्यासाठी या कार्यालया कडून परवाने देण्यात येत आहेत.तरी ३० ऑक्टोबरपर्यंत अर्ज करावेत,असे आवाहन प्रांताधिकारी वैभव नावडकर यांनी केले आहे.

ज्या जागेत व्यवसाय करायचा आहे त्या जागेचा मिळकत रजि स्टरचा उतारा अथवा जागा दुसऱ्याची असल्यास वापरा संबं धी संबंधिताचे स्टॅम्प पेपरवरील संमतीपत्र आवश्यक आहे.जागा सुरक्षेबाबत अर्जदाराला १०० रुपयांच्या स्टॅम्पवर प्रतिज्ञापत्र करून द्यावे लागेल.तसेच पोलिस निरीक्षक किंवा उपनिरीक्षक यांच्याकडील शोभेची दारू व फटाके साठा,विक्रीची सुरक्षिता आणि दंड व शिक्षा झाली आहे किंवा कसे याबाबतचे प्रमाणपत्र, ना हरकत प्रमाणपत्र, व्यवसाया ची जागा सुरक्षित असल्या बाबत चे प्रतिज्ञापत्र,ग्रामपंचायत अथवा नगरपालिकेचे ना हरकत प्रमाण पत्र,मागील वर्षाच्या परवान्याची झेरॉक्स प्रत,अर्जासोबत परवाना शुल्क ६०० रुपये चलनाने भरून मूळ चलन अर्जासोबत जोडावीत.

 शोभेची दारू व फटाके विक्रीची मुदत ३ नोव्हेंबरपर्यंत आहे.परवान्याची मुदत संपल्या नंतर परवानाधारकांनी शिल्लक राहिलेला साठा जवळ ठेवू नये. शिल्लक साठा कायम स्वरूपाचा परवाना असलेल्या परवाना धारकां जवळ ठेवणे आवश्यक आहे,असे प्रांताधिकारी वैभव नावडकर यांनी स्पष्ट सांगितले.