नागपंचमी निमित्त जैन श्रविका महिला मंडळाच्या उपक्रमास प्रतिसाद

 

खेळ,उखाणे,नृत्य, मनोरंजन व मंगळागौर चे सादरीकरण 

बारामती:- येथील जैन श्राविका महिला मंडळाने नाग पंचमी निमित्त महावीर भवन येथे मंगळवार दिनांक २९ जुलै रोजी मंगळागौर व महिलांच्या कला गुणांना वाव देणारा कार्यक्रम होम मिनिस्टर या कार्यक्रमाचे आयोजन केले होते.

      याप्रसंगी बारामती नगर परिषदेच्या मा. नगराध्यक्षा व मंडळाच्या सल्लागार मंगला सराफ व राजश्री  कळमकर आणि जैन श्राविका महिला मंडळाच्या अध्यक्षा अपर्णा दोशी (खटावकर) व सचिव प्रियंका दोशी ( खटावकर ) उपाध्यक्ष श्रीमती धनश्री गांधी ,खजिनदार अर्चना वाघोलीकर आदी महिला उपस्थित होत्या.

      महिलांना व्यासपीठ निर्माण व्हावे,त्यांच्यातील कलागुणांना संधी मिळावी व व्यक्त करता यावे भारतीय संस्कृती व परंपरेचे जतन व्हावे म्हणून सदर कार्यक्रमाचे आयोजन केल्याचे अध्यक्षा अर्पणा दोशी यांनी सांगितले.

  होम मिनिस्टर  विजेत्या अनुजा व्होरा आणि द्वितीय मंजिरी दोशी, तृतीय संहिता शहा, चतुर्थ गीतांजली शहा व उत्तेजनार्थ ज्योती शहा,लक्ष्मी गांधी आणि  उत्कृष्ठ उखाण्या बद्दल मंजिरी दोशी  यांना सन्मानित करण्यात आले.

    होम मिनिस्टरचे सादरीकरण अनिल सावळे पाटील यांनी केले गायन सलीम सय्यद व सूत्र संचालन प्रियंका दोशी ( खटावकर)  यांनी केले.