बँकॉक-दुबई प्रवाशांना थर्मल स्क्रीनिंग बंधनकारक; इबोलामुळे पुणे विमानतळावर हाय अलर्ट जारी
बँकॉक आणि दुबई या दोन शहरांत इबोला विषाणू मोठ्या प्रमाणात वाढत आहे. यामुळे या दोन्ही देशांतून येणाऱ्या प्रवाशांची पुणे आंतरराष्ट्रीय विमानतळावर थर्मल स्क्रीनिंग अनिवार्य करण्यात आली आहे. सर्व प्रवाशांना उतरण्यापूर्वी विमानातच ‘सेल्फ डिक्लेरेशन फॉर्म’ (स्वयं-घोषणापत्र) भरावा लागेल. यामध्ये त्यांच्या प्रवासाची आणि आरोग्याची माहिती देणे आवश्यक आहे. स्क्रीनिंगदरम्यान संशयित आढळणाऱ्या किंवा लक्षणे असणाऱ्या रुग्णांना उपचारासाठी नायडू रुग्णालयातील विशेष कक्षात दाखल केले जाणार आहे. विमानतळ आरोग्य अधिकारी, विमानतळ प्राधिकरणाकडून इमिग्रेशन, कस्टम्स आणि एअरलाईन ऑपरेटरच्या सर्व कर्मचाऱ्यांना पीपीई किट वापरणे, तपासणी करणे आणि संशयित रुग्णांना हाताळण्याचे विशेष प्रशिक्षण देण्यात आले.
इबोलामुळे खबरदारीचा उपाय
इबोला व्हायरस झाल्यास ताप, अशक्तपणा, उलट्या किंवा रक्तस्राव यांसारखी कोणतीही लक्षणे आढळल्यास बाधित क्षेत्रातील प्रवासाचा इतिहास असल्यास प्रवाशांनी तत्काळ विमानतळावरील आरोग्य अधिकाऱ्यांना माहिती देणे बंधनकारक आहे. खबरदारीचा उपाय म्हणून प्रशासन आणि आरोग्य यंत्रणा पूर्णपणे सज्ज आहे, तर विमानतळ प्रशासनाने प्रवाशांना थर्मल स्क्रीनिंग आणि तपासणी प्रक्रियेत पूर्ण सहकार्य करण्याचे आवाहन केले आहे.
.jpeg)
